Telenews

MËSONI EMRAT E DREJTORËVE TË ZGJEDHUR NË KATËR SPITALET E PËRGJITHSHME TË KOSOVËS

Shërbimi Spitalor Klinik Universitar i Kosovës (ShSKUK) ka shpallur rezultatet përfundimtare për drejtorë të katër Spitaleve të Përgjithshme të Kosovës.
Në Spitalin e Vushtrrisë “Sheikh Zayed” drejtoreshë është zgjedhur pulmulogia Shefkie Shatri. Ajo që nga viti i kaluar ishte ushtruese detyre e drejtorit po në këtë spital.
Spitali i Përgjithshëm në Gjilan është bërë me drejtor ku në këtë pozitë është zgjedhur doktor Arsim Emini, teksa në garë për këtë pozitë ishin edhe pesë kandidatë të tjerë.
Doktor Fazli Shala është zgjedhur drejtor i Spitalit të Përgjithshëm të Pejës. Në garë për këtë pozitë kanë qenë edhe dy kandidatë të tjerë.
Ndërsa doktoresha Luljeta Zhubi është zgjedhur drejtoreshë e Spitalit të Përgjithshëm të Mitrovicës. Në garë për këtë pozitë kanë qenë edhe tre kandidatë të tjerë.
ShSKUK thotë se të gjithë kandidatët e pakënaqur me rezultatin kanë të drejtë ankese brenda 15 ditësh nga shpallja e rezultatit.

Të ngajshme

Gripi sezonal/ Rreth 20% e pacientëve me shenja të virozave në tremujorin e parë të vitit

Nga e marta rikthehet pluhuri saharian në Kosovë

FSSh pagoi borxhe mbi 23 milionë Euro në vitin 2023, afër 18 milionë spitaleve në Turqi