Sami Lushtaku ka reaguar përmes një statusi në rrjetet sociale ndaj kryeministrit në detyrë, Albin Kurti, duke e akuzuar për izolimin e Kosovës dhe keqqeverisje.
Në postimin e tij, Lushtaku tha se “hovin” Serbisë ia kanë ndalur ata kur ka qenë koha, duke iu referuar periudhës së luftës dhe rolit të UÇK-së. Ai pretendoi se Kurti në atë kohë nuk e kishte pranuar as armën dhe as uniformën e UÇK-së.
Më tej, Lushtaku e fajësoi Kurtin për, sipas tij, izolimin e Kosovës në arenën ndërkombëtare, duke thënë se kryeministri po kërkon fajtorë të tjerë për problemet e qeverisjes së tij.
“Me paaftësinë tënde e ke izoluar Kosovën, kurse tash kërkon fajtorë të tjerë për keqqeverisjen tënde”, shkroi Lushtaku.
Statusi i Lushtakut vjen në një periudhë tensionesh politike dhe përplasjesh të vazhdueshme mes partive opozitare dhe Lëvizjes Vetëvendosje.
