Në rajonin e Prishtinës, sot njësitet e Trafikut Rajonal të Policisë së Kosovës kanë ndërmarrë masa ndaj kompanive që janë duke kryer punime me kamionë në bartjen e dheut.
Gjatë kontrolleve në terren, në disa segmente të rrugëve nacionale, janë identifikuar sasi të mëdha të baltës, të cilat paraqesin rrezik serioz për sigurinë e trafikut, veçanërisht në kushtet e rënda atmosferike me mjegull dhe ngrica.
“Ndaj personave juridikë janë shqiptuar gjobat në vlerë prej 1.000 euro, në përputhje me legjislacionin në fuqi, si dhe janë obliguar që menjëherë të bëjnë pastrimin e rrugëve.
Policia e Kosovës do të vazhdojë të jetë e përkushtuar që gjatë sezonit dimëror të veprojë pa hezitim ndaj të gjithë atyre që rrezikojnë sigurinë e trafikut dhe jetën e qytetarëve” thuhet në njoftimin e policisë.