As naftën e as gazin më polakët nuk duan ta marrin nga Rusia.
Këtë e bëri të ditur vet kryeministri i këtij vendi, ani se shumë vende evropiane po ngurojnë të marrin një vendim të tillë.
Para një fabrike të naftës, kreu i qeverise polake, Mateusz Moraëiecki prezantoi planin më radikal në Evropë për ndërprerjen e naftës, gazit dhe qymyrit rus deri në fund të vitit.
“Duhet që më në fund në Evropë të ketë një kthjellim të lart, sepse kur të tjerët në Evropë e shikonin Rusinë si një partner biznesi, ne e dinim që Rusia përdor gazin, naftën, por mbi të gjitha gazin, si një mjet shantazhi” deklaroi Mateusz Moraëiecki, kryeministër i Polonisë
Se do të pavarësohen nga këto produkte ruse gradualisht u zotua ditë më parë edhe presidentja e Komisionit evropian, Uruslua Von der Lejen, ndonëse disa vende anëtare e kundërshtuan.
Pos mungesës e së gazit e naftës, lufta ka bërë që evropianët të rrezikohen edhe nga mungesa e ushqimit. Anije të shumta me grurë janë bllokuar nga rusët në Detin e Zi
Ukraina dhe Rusia përbëjnë një të tretën e eksporteve globale të grurit dhe elbit.
E prodhimtaria e tyre u bë e pamundur për shumë fermer ukrainas.
“Disa fusha janë të minuara ose të bombarduara. Është e rrezikshme. Ne parashikojmë që do të ketë një reduktim të zonave të prodhimit në rajonet jugore dhe qendrore të Ukrainës deklaroi Tetyana Hetman, drejtore e bujqësisë në rajonin e Lviv
Ata janë gjithashtu eksportuesit kryesorë të drithërave të tjera dhe vajit të farave të lulediellit që përdoren për gatim dhe përpunim ushqimor.
Madje Ukraina e shqetësuar për mungesë të ushqimin për popullin e saj ka kufizuar eksportet e tërshërës, grurit, sheqerit, kripës, thekrës dhe mishit.