Familjarët e futbollistit mitrovicas Arbnor Muja i cili po luan pët ekipin e futbollit profesional belg “Royal Antwerp” ishin sonte pranë tij, në golin e tij të parë për këtë ekip.
Vëllau i Arbnorit, Ardiani, poashtu futbollist i ekipit mitrovicas “Trepça’89” ndau një fotografi nga tribunat ku festuan bashkë golin e parë të Mujës.
“Stay tuned for more #my bro is on fire #muja11 #royalantwerpenfc 🔥🔥❤️“, shkroi Ardiani në fotografi.
Muja pati një paraqitje brilante të martën mbrëma kundër Standard Lieges në Kupën e Belgjikës.
Muja asistoi te Frey në minutën e 55-të dhe shënoi vetë pas katër minutave. E nisi ndeshjen si zëvendësues, por u inkuadrua në minutën e dhjetë pas lëndimit të Scott.
Në Kosovë 24 vjeçari mitrovicas luante për Dritën e Gjilanit, para nënshkrimit pët klubin belg.
Golin e tij të parë Muja e festoi me simbolin e shqiponjës dykrenare.