Nënkryetari i OVL të UÇK-së, Gazmend Syla, ka bërë të ditur se protesta e radhës në përkrahje të çlirimtarëve do të mbahet më 13 dhjetor, në sheshin “Skënderbeu”, në Shkup.
Syla, në një konferencë për media, njoftoi se tubimi do të nisë nga ora 13:00, duke bërë thirrje për pjesëmarrje masive dhe të qetë.
Kjo do të jetë protesta e pestë me radhë në mbështetje të ish-krerëve të UÇK-së që po mbahen në Hagë, ndërsa organizatorët theksojnë se zëri i qytetarëve duhet të dëgjohet më fuqishëm se kurrë.