Rreth 60 persona, banorë të dy fshatrave të komunës së Klinës, kanë protestuar në Gllarevë duke shprehur pakënaqësitë e tyre lidhur me devijimin e trasesë së rrugës që kalon në atë zonë.
Policia ka bërë të ditur se protesta është zhvilluar të martën pasdite ndërsa e njëjta ka kaluar pa ndonjë incident.
Banorët kanë paralajmëruar që nëse kërkesat e tyre nuk plotësohen atëherë protesta do të përshkallëzohet në ditët në vijim.
Kjo protestë ka rrjedhur pas paralajmërimit që së shpejti do të nis ndërtimi i rrugës Kijevë-Dollc.