Telenews

QEVERIA PËR RASTIN BERISHAJ: JAPIM LLOGARI MBI TË VËRTETAT E DËSHMUARA

Qeveria e Kosovës i ka adresuar akuzat ndaj ambasadorit të Kosovës në Kroaci, Martin Berishaj, duke thënë se ato po ndodhin në kuadër të një gare elektorale në një shtet tjetër, andaj duhet pasur kujdes sa i përket vërtetësisë së tyre.
“Ambasadori ynë në Kroaci, Martin Berishaj, i ka mohuar akuzat e bëra në drejtim të tij, duke paralajmëruar po ashtu edhe padi ndaj mediumit slloven, që ka bërë një raportim të tillë. Duhet të jemi të kujdesshëm ndaj pretendimeve që përveçse janë mohuar nga ambasadori, po bëhen në kuadër të një gare elektorale në një vend tjetër”, ka shkruar zëdhënësi i qeverisë së Kosovës, Përparim Kryeziu, në Facebook.
Kryeziu ka thënë që qeveria është e përgjegjshme dhe llogaridhënëse, porse një gjë të tillë e bën mbi të vërteta të dëshmuara dhe jo mbi pretendime dhe akuza.
“Kërkesa për sqarime mbi të vërtetën është gjithmonë legjitime. Si qeveri ne jemi të përgjegjshëm dhe llogaridhënës, por jemi të interesuar për llogaridhënie mbi të vërteta të dëshmuara dhe prova e jo pretendime dhe akuza”.

Të ngajshme

Kusari-Lila: Nxënësit humbën 12 për qind të programit të vitit shkollor

Donat Hashani

SBAShK vendos një afat për pagat: Ju presim veç edhe pak orë, më pas shkojmë nëpër rrugë ligjore

Donat Hashani

Rizvanolli: Çmimi i tarifave të rrymës nuk është kompetencë e qeverisë, por varësisht nga rezultatit do të merren masa për mbrojtjen e konsumatorit

Donat Hashani