Një rrahje brutale ka ndodhur në orët e para të së mërkurës në një diskotekë në Pejë.
Dyshohet se reperi Noizy, ishte i përfshirë në këtë incident.
Klankosova.tv mëson se reperi dhe grupi i tij prej shtatë personash i kanë rrahur brutalisht dy persona të tjerë me boksa hekuri.
Nuk dihet ende arsyeja se pse ka ndodhur kjo ngjarje.
Rasti u konfirmua edhe nga policia.
“Rreth orës 03:37 minuta nga Spitali Rajonal në Pejë kemi pranuar informacionin se dy persona gjenden aty për trajtim, shkaku i lëndimeve të marra nga rrahjet. Policia kanë dal në vendin e ngjarjes dhe ka marrë deklaratat e viktimave lidhur me rastin”, tha zëdhënësi rajonal i policisë për rajonin e Pejës Fadil Gashi.
Gashi tha se po punohet për identifikimin e personave të dyshuar.
Lidhur me rastin është deklaruar edhe Prokuroria Themelore e Pejës.
Zëdhënësi Shkodran Nikçi, tha për Klankosova.tv se policia është në fazën e grumbullimit të provave.
“Jemi në pritje për të gjeturat e Policisë. Prokurori i shtetit pasi t’i marrë të gjeturat e Policisë do të veproj komfor dispozitave ligjore”, tha Nikçi.