Telenews

Serbia arreston një person të dyshuar për “krime lufte” në Kosovë më 1999

Policia serbe e ka arrestuar një person të dyshuar për kryerjen e “krimeve të luftës” në vitin 1999 në Kosovë, tha të mërkurën ministri i Punëve të Brendshme i Serbisë, Ivica Daçiq.

Në një njoftim për media, Ministria serbe nuk tregoi se shtetas i cilit vend është i arrestuari, por e identifikoi atë me inicialet F.K., 56 vjeç.

Ai dyshohet se ka kryer “krime lufte kundër pjesëtarëve të ushtrisë Jugosllave në Koshare në maj të vitit 1999”, sipas Daçiqit.

“Policët e Shërbimit për Zbulimin e Krimeve të Luftës kanë arrestuar, dhe pas kallëzimit penal për veprën penale për krime lufte ndaj të burgosurve, kanë ndaluar per intervistim dhe procedim te metutjeshme te Prokurorise per krime lufte të dyshuarin F. K. (1968)”, thuhet në njoftim.

Nuk është e qartë se kur u arrestua ai.

Beteja e Koshares u zhvillua në komunën e Gjakovë gjatë luftës së fundit në Kosovë në vitin 1999, ndërmjet Ushtrisë Çlirimtare të Kosovës dhe ushtrisë së Serbisë.

Të ngajshme

Votojnë ish-ushtarët e UÇK-së që po mbahen në Hagë

Donat Hashani

Bedri Hamza me fjalë të mëdha në tubimin përmbyllës

Donat Hashani

Edi Rama jep lajmin e hidhur për përdoruesit e Tik Tok-ut në Shqipëri

Donat Hashani