Kancelari gjerman Olaf Scholz përdori një telefon të kuq që ndodhet zyrën e tij në bisedën telefonike të së martës me Presidentin e Rusisë, Vladimir Putin, për çështjen e Ukrainës. Kjo pajisje e veçantë nuk është një telefon i thjeshtë, pasi teknologjia e tij i referohet “Agjentit 007”, James Bond, siç raporton gazeta gjermane “Bild”.
Kancelari Olaf Scholz, 64 vjeç, postoi një foto të zyrës së tij me një telefon të kuq me mbishkrimin e mëposhtëm: “Nëntëdhjetë minuta në telefon me Putin: Rusia duhet të tërheqë trupat nga Ukraina dhe të njohë sovranitetin dhe integritetin territorial të vendit. Përndryshe, një zgjidhje diplomatike është e paimagjinueshme”.
Telefoni i kuq që kancelari i Gjermanisë ka në zyrën e tij është një model i veçantë, “Sina Communicator” i kompanisë “Secunet”, e cila është me qendër në Hessen dhe është në krye të “strategjisë digjitale” të re të qeverisë.
90 Minuten Telefonat mit #Putin: Russland muss seine Truppen aus der #Ukraine zurückziehen und die Souveränität und territoriale Integrität anerkennen. Anders ist eine diplomatische Lösung nicht vorstellbar. pic.twitter.com/OizvxZHwiE
— Bundeskanzler Olaf Scholz (@Bundeskanzler) September 13, 2022
Pajisja peshon 5,5 kg dhe mund të transmetojë telefonata të koduara, dokumente konfidenciale dhe video thirrje.
Duke futur një çip të veçantë (“kriptoshkop”) në anë të telefonit, telefonuesi mund të bëjë vetëm “telefonata sekrete kombëtare”.
Për bisedime, si ai me Kremlinin, kancelari socialdemokrat përdor një linjë tjetër sekrete telefonike.