Japonia ka ndryshuar edhe konceptin klasik të figurës kryesore të festave të fundvitit. Një zhytës i veshur me kostumin e kuq, ka surprizuar vizitorët në një akuarium gjigant në Yokohama.
Ai notoi bashkë me 3000 peshq dhe 5 delfinë, duke ngjallur një kuriozitet të madh në turmë.
“Ishte ndjesi e veçantë të përjetoje një atmosferë ndryshe të Krishtlindjes, megjithëse u ndjeva çuditshëm teksa shihja Babagjyshin në ujë”, tha njëri nga vizitorët. Në vend të dhuratave, Babagjyshi-zhytës solli ushqim për peshqit dhe shumë buzëqeshje mes fëmijëve që shijuan momentin magjik.
VIDEO:https://www.youtube.com/watch?v=aaK_zmnDIN0