Ushtruesja e detyrës së presidentes, Albulena Haxhiu, u ka bërë thirrje qytetarëve që të dalin dhe të ushtrojnë të drejtën e tyre të votës, duke theksuar se sa më e lartë të jetë pjesëmarrja, aq më e fortë është demokracia.
Haxhiu ka kërkuar gjithashtu nga qytetarët që gjatë ditës së zgjedhjeve të tregojnë respekt dhe maturi ndaj njëri-tjetrit.
“Nga këtu ftoj të gjithë qytetarët e Republikës së Kosovës që të dalin dhe të ushtrojnë të drejtën e tyre të votës. Sa më e lartë pjesëmarrja në këto zgjedhje, aq më e fortë është demokracia jonë. Unë ftoj të gjitha palët dhe qytetarët që, në këtë ditë të bukur me diell, të dëshmojnë maturi, respekt për njëri-tjetrin, por po ashtu edhe dashuri për vendin”, ka deklaruar ajo.