Një person është vrarë dhe një tjetër ka mbetur i plagosur rëndë në një atentat të regjistruar në rreth rrotullimin pranë aeroportit “Nënë Tereza”.
A2 CNN mëson se është qëlluar në lëvizje në drejtim të një automjeti tip “Mercedes Benz”. Po ashtu bëhet me dije se autorët lëviznin me një makinë tip “Toyota” me targa greke, me ngjyrë gri, që është larguar në drejtim të Fushë Krujës.
Sipas raportimit të A2 CNN, dyshohet për 3 autorë, dy qitës dhe një shofer të përfshirë në këtë ngjarje.
Në pamjet e mëposhtme shihen forca të shumta policie që kanë rrethuar mjetin dhe efektivët që thyejnë me forcë xhamin e parë për të bërë të mundur nxjerrjen e trupit të viktimës dhe të plagosurin.