Armir Shahini ose ndryshe Miri i West Side Family. ka zbuluar më shumë detaje në lidhje me eksperiencën, rrugëtimin dhe dinamikat e lojës së tij në shtëpinë më të famshme në Shqipëri.
Nëse do të rikthehej sërish në ditën e parë që u bë pjesë e shtëpisë së Big Brother çfarë do bënte ndryshe Miri?
Unë do të bëja ndryshe nëse situatat do i kisha ndryshe. Varet nga situatat që do më vinin përballë do t’i bëja ndryshe.
Për çfarë është penduar Miri nga kjo eksperiencë, tani që ka dalë a e ka menduar dhe analizuar situatën dhe rrugëtimin?
Unë e kam menduar gjithmonë atë pjesë sepse jam tip që i bëj një reflektim vetes dhe dal te përfundimi që nuk do të bëja asgjë ndryshe dhe nuk jam penduar për asgjë. Nuk i dihet edhe nëse do ta bëja ndryshe, a do të ecte apo do të funksiononte dhe në fund të fundit ashtu siç e kam bërë a do të isha në pod. Po të bëja diçka ndryshe mbase nuk do shkoja as në pod. Nuk i dihet…
Më kanë thënë shpesh edhe gjatë qëndrimit në shtëpi po sikur mos të ishte situata e krevatit si do ta bëje ti. I kam thënë hajde shkojmë tek gjashta dhe e fillojmë nga fillimi sepse ku e dija unë se çfarë do të ndodhte.