Ndihmës Sekretarja e Shtetit të SHBA për Evropë dhe Azi, Karen Donfried sot to ta vizitojë Beogradin ku do të takohet me presidentin e Serbisë, Aleksandar Vuçiq, pretendohet në njoftimin e shërbimit për media të presidentit të Serbisë.
Në takimin, i cili do të mbahet në orën 15:00, do të marrë pjesë edhe i dërguari special i Departamentit të Shtetit për Ballkanin Perëndimor, Gabriel Escobar.
Të hënën, Donfried filloi një turne në Ballkanin Perëndimor me vizitën në Kosovë, ku u takua me presidenten dhe kryeministrin e Kosovës Vjosa Osmani dhe Albin Kurti, si dhe me përfaqësues të partive opozitare.
Me atë rast ajo theksoi se Shtetet e Bashkuara i japin prioritet dialogut ndërmjet Kosovës dhe Serbisë, si dhe se status quo-ja i përgjigjet vetëm Rusisë.
Siç ishte paralajmëruar më parë, Donfried do të vizitojë Shqipërinë, Bosnjën dhe Hercegovinën, Malin e Zi dhe Maqedoninë e Veriut deri më 29 prill.