Telenews

KRYEPARLAMENTARI KONJUFCA: MASAKRAT NË KRUSHË ISHIN GJENOCIDIALE

“Sot, në 23 vjetorin e masakrave të tmerrshme në Krushë të Madhe dhe Krushë të Vogël, me dhembje përkujtuam më shumë se 350 banorë, përfshirë edhe gra e fëmijë, të vrarë, të masakruar dhe të zhdukur me dhunë nga forcat pushtuese serbe, më 25, 26 dhe 27 mars 1999. Masakrat në fshatrat Krushë e Madhe dhe Krushë e Vogël, ku dhjetëra familje shqiptare mbetën pa asnjë mashkull, shënojnë vrasjet masive me përmasa gjenocidi”, ka shkruar Konjufca në Facebook.
Ai ka shtuar se plagët janë ende të hapura, përderisa nuk janë ndëshkuar kryerësit e gjenocidit.
“Plaga e parë është masakra e përjetuar nga banorët e pambrojtur, plaga e dytë janë të zhdukurit me dhunë dhe e treta mungesa e drejtësisë për viktimat dhe familjarët e tyre. Dhe jo vetëm për ta, këto vazhdojnë të jenë plagë të hapura në trupin e popullit dhe shtetit tonë, përderisa nuk ndëshkohen kryerësit e gjenocidit në Kosovë. Lavdi e përjetshme të gjithë të rënëve për lirinë dhe pavarësinë e Republikës së Kosovës!”, ka shtuar Konjufca.
 

Të ngajshme

Rrahmani: Edhe 100 herë me më thirrë Kombëtarja e mos me më fut në lojë, unë vij prapë

Hafize Elshani

Moti sot: I vranët dhe me diell, temperaturat deri në 13 gradë

Hafize Elshani

Bajrami: Nëpër dyqane në veri dhe pjesë tjera serbët ende paguajnë me dinarë

Donat Hashani