Këtë të shtunë do të luhen dy ndeshje në kuadër të xhiros së 33-të të Superligës së Kosovës në futboll.
Ndeshja më interesante do të jetë ajo në mes Trepçës 89 e cila po lufton për mbijetesë dhe Drenicës e cila tashmë pothuajse ka rënë nga liga.
Kurse, ndeshja tjetër zhvillohet në mes Dukagjinit dhe Malishevës, ku kjo e fundit është në vendin e shtatë me 39 pikë, pesë pikë më shumë se Trepça 89 e cila është në pozitën që çon në barazh.
Ndërsa, Dukagjini është në pozitën e pestë me 41 pikë, dy më pak se Prishtina që është në vendin e katërt.