Zyra e Kryeministrit të Kosovës (ZKM) ka hapur “qesen” për transport, duke kurorëzuar me kontratë një aktivitet të prokurimit për marrjen e automjeteve me qira, e cila kap vlerën prej 57 mijë e 600 eurosh.
Sipas të dhënave nga njoftimi për dhënien e kontratës, tenderi i është besuar operatorit ekonomik “Mercom Auto” SH.P.K., me seli në Prishtinë.
Kontrata është publikuar edhe në platformën E-Prokurimi, transmeton Sinjali.
Marrëveshja financiare ka një kohëzgjatje prej 12 muajsh, ndërsa në këtë garë prokurimi është pranuar vetëm një ofertë e vetme, e cila do t’i sigurojë Zyrës së Kryeministrit gjithsej 10 vetura për nevojat e institucionit.
Në dokumentacionin e tenderit bëhet e ditur gjithashtu se kjo kontratë nuk parashihet të nënkontraktohet.

