Rrjeti i njohur social që ka në fokus biznesin dhe punësimin LinkedIn, ka njihur kodin telefonik të Kosovës +383.
Lajmi është bërë i ditur nga e vetmja shqiptare që është pjesë e kësaj kompanie, Hava Maloku.
Ajo ka thënë se kjo është arritur falë punës së palodhur të ekipit inxhinierik.
“Po e fillojmë ditën e premte (ditën e bekuar të javës) me një lajm të mahnitshëm. Kodi i vendit për Kosovën tani është vënë në dispozicion në çdo faqe të platformës së LinkedIn-it. E vlerësoj punën e palodhur të ekipit inxhinierik për ta bërë këtë të mundur. Duke ardhur nga një vend i vogël ku shpesh je i nënpërfaqësuar, e di shumë mirë se si ndihesh të jesh i padukshëm. Të jesh në gjendje të ndikosh në atë ndryshim nga ana e kundërt e tryezës ndihet e pabesueshme tani. Gezuar Kosova ime”, ka shkruar ajo.